مینو کے نام ایک نظر میں
اس گائیڈ میں مینو کے نام وہی ہیں جو فون کی زبان اردو ہونے پر اسکرین پر نظر آتے ہیں۔ بہت سے لوگ فون انگریزی میں ہی رکھتے ہیں، اور iOS 18 سے پہلے کے ورژن میں iPhone پر اردو ہے ہی نہیں۔ اگر آپ کا فون انگریزی میں ہے، یا آپ انگریزی کی کوئی انسٹال ویڈیو دیکھ رہے ہیں، تو نیچے کے جدول میں وہی مینو اس کے انگریزی نام سے ڈھونڈیں۔
Android
Android پر مینو کے نام ملک سے زیادہ فون بنانے والی کمپنی پر منحصر ہیں۔ یہاں دیکھیں کہ ایک ہی مینو Pixel پر کس نام سے نظر آتا ہے۔ Samsung نے Galaxy کے مینو کے اردو نام کہیں شائع نہیں کیے، اس لیے Galaxy کے خانوں میں ہم نے نام نہیں لکھے۔
ایک ہی چیز کا نام ہر فون پر الگ ہو سکتا ہے۔ جس ایپ میں یہ سارے مینو ہیں، اس کا نام iPhone پر سیٹنگ، Pixel پر ترتیبات اور Galaxy پر سیٹنگز ہے۔ ہوائی سفر میں چالو کیا جانے والا موڈ iPhone پر طیارہ موڈ / ہوائی جہاز موڈ اور Pixel پر ہوائی جہاز وضع کہلاتا ہے۔ اگر آپ کے فون پر نام اس گائیڈ سے تھوڑا مختلف ہو تو اسی جگہ والے آپشن پر ٹیپ کریں۔
شروع کرنے سے پہلے
دیکھیں کہ آپ کا فون eSIM سپورٹ کرتا ہے یا نہیں
فون ایپ کے ڈائلر میں *#06# ڈائل کریں۔ اگر EID نمبر نظر آئے تو آپ کا فون eSIM استعمال کر سکتا ہے۔ EID نظر نہ آئے تو اس فون پر eSIM نہیں چلے گی۔
کون سے فون eSIM سپورٹ کرتے ہیں، اور نیٹ ورک لاک کیوں اہم ہے (انگریزی میں)
وائی فائی سے جڑیں
eSIM ہمیشہ کسی مستحکم وائی فائی پر ہی انسٹال اور ایکٹیویٹ کریں۔
فون ان لاک ہونا چاہیے
آپ کا فون کسی ایک موبائل کمپنی کے نیٹ ورک پر لاک نہیں ہونا چاہیے۔
QR کوڈ سنبھال کر رکھیں
ہر QR کوڈ صرف ایک بار اور صرف ایک ڈیوائس پر کام کرتا ہے۔ استعمال سے پہلے eSIM ڈیلیٹ ہو گئی؟ تو اپنی eSIM کا انتظام والے صفحے سے آپ کو نئی مل سکتی ہے۔
eSIM انسٹال کریں
یہ مرحلہ iPhone اور Android دونوں پر ایک جیسا ہے۔ نیچے دیے گئے دو طریقوں میں سے کوئی ایک چنیں۔ RoamMore کی تصدیقی ای میل انگریزی میں آتی ہے۔
QR کوڈ اسکین کریں
کیمرہ یا فون کا eSIM انسٹالر کھولیں اور RoamMore کی تصدیقی ای میل میں دیا گیا QR کوڈ اسکین کریں۔
سیٹ اپ لنک استعمال کریں
تصدیقی ای میل میں دیا گیا سیٹ اپ لنک کھولیں، پھر iPhone کے لیے Apple یا Android فون کے لیے Android پر ٹیپ کریں۔ اس سے eSIM فوراً انسٹال ہو جاتی ہے، اسکین کرنے کی ضرورت نہیں پڑتی۔
پوری انسٹالیشن کے دوران وائی فائی سے جڑے رہیں۔
فون پر سیٹ اپ مکمل کریں
یہاں سے ہر فون کے مینو الگ ہیں۔ اپنی ڈیوائس چنیں۔
iPhone پر اردو iOS 18 سے آئی ہے۔ اس سے پہلے کے ورژن میں اردو کا انتخاب ہی نہیں، اس لیے وہاں مینو انگریزی میں ہوں گے۔ ایسے میں اوپر کے جدول میں ہر مینو کا انگریزی نام دیکھیں۔
Apple نے حال ہی میں دو نام بدلے ہیں، اس لیے یہ گائیڈ جہاز والے موڈ کے دونوں نام لکھتی ہے: طیارہ موڈ / ہوائی جہاز موڈ میں پہلا نام iOS 27 کا ہے اور دوسرا iOS 18 سے 26 تک کا۔ ڈیٹا سوئچ کرنے کی اجازت والا آپشن iOS 26 سے موبائل ڈیٹا سوئچ کرنے کی اجازت دیں کہلاتا ہے؛ iOS 18 پر اس کا پرانا نام موبائل سروس سوئچ کرنے کی اجازت دیں تھا۔
موبائل سروس کے اندر جس قطار سے ڈیٹا کے لیے eSIM چنی جاتی ہے، اس کے بھی Apple کے اپنے ذرائع میں دو نام ہیں، اس لیے ہم اسے موبائل ڈیٹا / موبائل سروس لکھتے ہیں۔ Apple کی اردو گائیڈ پہلا نام لکھتی ہے، مگر فون پر یہ قطار اوپر والے مینو کے نام سے بھی نظر آ سکتی ہے۔
Apple کی اردو مدد کے صفحات صرف بھارت کے لیے ہیں۔ Apple کی سپورٹ سائٹ پر پاکستان والا اردو پتا کھولیں تو انگریزی صفحہ کھل جاتا ہے۔
eSIM انسٹال کریں
مرحلہ 2 والا QR کوڈ یا سیٹ اپ لنک استعمال کریں۔ جب iPhone پوچھے تو جاری رکھیں یا eSIM شامل کریں پر ٹیپ کریں، پھر اسکرین پر دی گئی ہدایات پر عمل کریں۔
نام RoamMore رکھیں
جب iPhone نئی eSIM کے لیے لیبل چننے کو کہے تو حسب خواہش لیبل چنیں اور RoamMore لکھیں۔ یہ قدم چھوڑ دیں تو iPhone خود سفر یا ثانوی جیسا کوئی لیبل لگا دیتا ہے، جو BICS جیسے نیٹ ورک کے نام کے ساتھ نظر آتا ہے۔
ڈیٹا کے لیے eSIM چنیں
سیٹنگ ایپ میں موبائل سروس پر ٹیپ کریں۔ پھر اندر موبائل ڈیٹا / موبائل سروس والی قطار پر ٹیپ کریں اور اپنی RoamMore eSIM چنیں۔
eSIM کے لیے رومنگ چالو کریں
سیٹنگ ، پھر
اضافی چارجز سے بچیں
موبائل ڈیٹا سوئچ کرنے کی اجازت دیں بند رکھیں، تاکہ آپ کا iPhone چپکے سے آپ کی اپنے ملک والی سم کا ڈیٹا استعمال نہ کرنے لگے۔ یہ سوئچ اسی اسکرین پر ہے جہاں آپ نے ڈیٹا کے لیے eSIM چنی تھی۔ iOS 18 پر اس کا نام موبائل سروس سوئچ کرنے کی اجازت دیں تھا۔
جہاز والا موڈ چالو ہو تو بھی ٹھیک ہے
اگر طیارہ موڈ / ہوائی جہاز موڈ چالو ہے تو اسے چالو رہنے دیں، کوئی مسئلہ نہیں۔ بعد میں اسے بند کرتے ہی آپ کی eSIM خود بخود ڈیفالٹ بن جائے گی۔
پہنچنے پر eSIM چالو کریں
iOS 26 اور اس کے بعد کے ورژن پر، منزل پر پہنچتے ہی iPhone سفری eSIM چالو کریں کی اطلاع دکھا سکتا ہے۔ اس پر ٹیپ کر کے اپنی RoamMore eSIM چالو کریں۔ اگر اطلاع نظر نہ آئے تو سیٹنگ ، پھر
ہو گیا
eSIM تیار ہوتے ہی iPhone بتا دے گا کہ ایکٹیویشن کامیاب رہی۔ آپ کا سفر خوشگوار ہو!
مینو کے نام برانڈ اور ماڈل کے حساب سے تھوڑے مختلف ہوتے ہیں۔ ہر قدم میں پہلے Google Pixel کا راستہ دیا گیا ہے، پھر Samsung Galaxy کا۔ Galaxy کے مینو کے اردو نام شائع نہیں ہوئے، اس لیے وہاں ہم بتاتے ہیں کہ کون سا آپشن کیا کام کرتا ہے۔
وائی فائی سے جڑیں
ڈاؤن لوڈ مکمل ہونے تک وائی فائی سے جڑے رہیں۔
سم والا مینو کھولیں
Pixel: ترتیبات ، پھر
Galaxy: سیٹنگز ایپ میں وہ حصہ کھولیں جہاں وائی فائی، بلوٹوتھ اور دوسرے کنکشن ہیں، پھر وہاں سے وہ اسکرین کھولیں جہاں فون کی سمز کا انتظام ہوتا ہے۔ آگے اسے ہم سم والی اسکرین کہیں گے۔
نئی eSIM لگائیں
Pixel: SIM شامل کریں پر ٹیپ کریں، پھر اگلی اسکرین پر eSIM سیٹ اپ کرنے والا آپشن چنیں۔
Galaxy: سم والی اسکرین پر نئی eSIM جوڑنے والے آپشن پر ٹیپ کریں۔
QR کوڈ اسکین کریں یا تفصیلات خود درج کریں
QR کوڈ اسکین کریں، یا سیٹ اپ لنک میں دی گئی تفصیلات خود درج کریں۔ پھر اسکرین پر دی گئی ہدایات کے مطابق eSIM ڈاؤن لوڈ کریں۔
eSIM چالو کریں
Pixel: ڈاؤن لوڈ مکمل ہونے پر اس SIM کا استعمال کریں والا سوئچ چالو کریں۔
Galaxy: سم والی اسکرین پر نئی eSIM کا سوئچ چالو کریں۔
نام RoamMore رکھیں
Pixel: SIMs میں نئی eSIM پر ٹیپ کریں، پھر پنسل والے آئیکن پر۔ SIM لیبل اور رنگ والی ونڈو میں نام کے خانے میں RoamMore لکھیں اور محفوظ کریں۔
Galaxy: سم والی اسکرین پر نئی eSIM پر ٹیپ کریں اور اس کا نام بدل کر RoamMore رکھ دیں۔ نام بدلنے کا آپشن ہر ماڈل میں تھوڑی مختلف جگہ پر ہوتا ہے۔
یہ قدم چھوڑ دیں تو eSIM صرف BICS جیسے نیٹ ورک کے نام سے نظر آئے گی۔
ڈیٹا کے لیے یہی سم چنیں
Pixel: SIMs میں موبائل ڈیٹا پر ٹیپ کریں اور اپنی RoamMore eSIM چنیں۔
Galaxy: سم والی اسکرین پر وہ حصہ ڈھونڈیں جہاں کالز، میسجز اور ڈیٹا کے لیے سم چنی جاتی ہے۔ وہاں ڈیٹا والے آپشن پر ٹیپ کریں اور اپنی RoamMore eSIM چنیں۔
eSIM کے لیے رومنگ چالو کریں
Pixel: SIMs میں اپنی RoamMore eSIM پر ٹیپ کریں اور رومنگ چالو کریں۔
Galaxy: سیٹنگز ایپ کے اسی کنکشن والے حصے میں موبائل نیٹ ورک کی اسکرین کھولیں اور وہ سوئچ چالو کریں جو بیرون ملک ڈیٹا چلنے دیتا ہے۔
اپنے ملک والی سم کے چارجز سے بچیں
Pixel: SIMs میں خودکار طور پر ڈیٹا سوئچ کرنا بند کریں۔ سم کے اپنے صفحے پر یہی سوئچ موبائل ڈیٹا کو خودکار طور پر سوئچ کریں کے نام سے بھی نظر آ سکتا ہے۔
Galaxy: سم والی اسکرین پر وہ سوئچ بند کریں جو ڈیٹا کو خود بخود دوسری سم پر لے جاتا ہے۔ کچھ ماڈلز میں یہ ڈیٹا والے آپشن پر ٹیپ کرنے کے بعد نظر آتا ہے۔
سفر کے دوران اپنے ملک والی سم کا ڈیٹا بھی بند رکھیں۔
مسئلہ ہو جائے تو
میرا پلان کب شروع ہوتا ہے؟ کیا دن خریدتے ہی گنے جانے لگتے ہیں؟
آپ کے پلان کے دن اس وقت سے گنے جاتے ہیں جب eSIM منزل پر پہلی بار نیٹ ورک سے جڑتی ہے، خریدنے یا انسٹال کرنے سے نہیں۔ تب تک eSIM خریداری کی تاریخ سے 180 دن تک کارآمد رہتی ہے، اس لیے آپ سفر سے پہلے ہی اسے سیٹ اپ کر سکتے ہیں۔ چند پلان ایسے ہیں جو انسٹال کرتے ہی شروع ہو جاتے ہیں۔ ایسے پلان کے بارے میں پلان فائنڈر اور آپ کی تصدیقی ای میل صاف صاف بتاتے ہیں۔ ایسی صورت میں ای میل سنبھال کر رکھیں اور eSIM تب انسٹال کریں جب آپ اسے استعمال کرنے کے لیے تیار ہوں۔
*#06# ڈائل کرنے پر EID نمبر نظر نہیں آتا
اس کا مطلب ہے کہ آپ کا فون eSIM سپورٹ نہیں کرتا، اس لیے اس پر سفر والی eSIM کام نہیں کرے گی۔
میرے Android فون پر سیٹ اپ لنک یا QR کوڈ کام نہیں کر رہا
کچھ Android فون تب تک انسٹال نہیں ہونے دیتے جب تک وہ Google سے رابطہ نہ کر لیں۔ وائی فائی سے جڑیں، پھر سیٹ اپ لنک دوبارہ کھولیں یا تفصیلات خود درج کریں۔ کچھ ماڈل، جیسے Honor کے بعض فون، دوسری کمپنیوں کی eSIM بالکل انسٹال نہیں کر سکتے۔ اگر آپ کا فون ان میں سے ہے تو ریفنڈ کے لیے ہم سے رابطہ کریں۔
eSIM انسٹال نہیں ہو رہی
دیکھیں کہ آپ وائی فائی سے جڑے ہوئے ہیں، اور یہ بھی کہ QR کوڈ پہلے ہی کسی اور ڈیوائس پر استعمال تو نہیں ہو چکا۔ ہر کوڈ صرف ایک بار کام کرتا ہے۔
ایکٹیویٹ کرنے کے بعد سگنل نہیں آ رہا
چند منٹ انتظار کریں، نیٹ ورک سے جڑنے میں کچھ وقت لگ سکتا ہے۔ پھر جہاز والا موڈ ایک بار چالو کر کے بند کریں، یا فون ری اسٹارٹ کریں۔ iPhone پر اس موڈ کا نام طیارہ موڈ / ہوائی جہاز موڈ ہے اور Pixel پر ہوائی جہاز وضع؛ Galaxy پر بھی یہی کریں۔ انتظار کے دوران eSIM ڈیلیٹ نہ کریں۔
منزل پر پہنچنے کے بعد بھی ڈیٹا نہیں چل رہا
عام طور پر اس کا مطلب ہے کہ eSIM پوری طرح انسٹال نہیں ہوئی، یا ابھی ڈیٹا کے لیے چنی نہیں گئی۔ وائی فائی پر رہتے ہوئے سیٹ اپ لنک سے دوبارہ انسٹال کریں، RoamMore eSIM کے لیے رومنگ چالو کریں اور اپنے ملک والی سم کی لائن بند کریں۔ eSIM تبھی جڑتی ہے جب آپ منزل والے ملک میں ہوں۔
نیٹ ورک نظر آ رہا ہے مگر ڈیٹا نہیں چل رہا یا بہت سست ہے
دیکھیں کہ ڈیٹا کے لیے آپ کی RoamMore eSIM چنی ہوئی ہے اور اس کے لیے رومنگ چالو ہے۔ نام RoamMore نہیں رکھا؟ تو iPhone اسے سفر یا ثانوی جیسے لیبل کے ساتھ، BICS جیسے نیٹ ورک کے نام کے پاس دکھا سکتا ہے۔ Android فون صرف نیٹ ورک کا نام دکھاتا ہے۔
میرا ڈیٹا سست کیوں ہے؟
رفتار وہاں کے نیٹ ورک پر اور اس بات پر منحصر ہے کہ اس وقت اس پر کتنا رش ہے۔ ہم کسی طے شدہ رفتار کی ضمانت نہیں دے سکتے۔ iPhone پر طیارہ موڈ / ہوائی جہاز موڈ یا Pixel پر ہوائی جہاز وضع ایک بار چالو کر کے بند کریں، یا فون کے نیٹ ورک والے آپشنز میں جا کر وہاں کا کوئی دوسرا نیٹ ورک خود چنیں۔
فہرست میں RoamMore والی eSIM کون سی ہے؟
اگر انسٹال کرتے وقت آپ نے اس کا نام RoamMore رکھا تھا تو RoamMore ڈھونڈیں۔ ورنہ وہاں آپ کا چنا ہوا لیبل نظر آئے گا، جیسے سفر یا ثانوی، یا iPhone کا خود لگایا ہوا لیبل، اور اس کے ساتھ BICS جیسا نیٹ ورک کا نام۔ یہ آپ کی سمز کی فہرست میں سب سے نئی بھی ہو گی۔ اس پر ٹیپ کر کے آپ کسی بھی وقت نام بدل کر RoamMore رکھ سکتے ہیں۔
میں نے کتنا ڈیٹا استعمال کیا، یہ کیسے دیکھوں؟
اپنی تصدیقی ای میل میں Manage your eSIM والا لنک کھولیں۔ یہ آپ کو سائن ان کے بغیر سیدھا اسی eSIM کے صفحے پر لے جاتا ہے۔ یا خریدتے وقت دیے گئے ای میل پتے سے اپنے اکاؤنٹ میں سائن ان کریں اور اپنی ساری eSIM دیکھیں۔ یہ دونوں صفحے انگریزی میں ہیں۔
ڈر ہے کہ اپنے ملک والے پلان کا بل بہت زیادہ آئے گا
iPhone پر موبائل ڈیٹا سوئچ کرنے کی اجازت دیں اور Pixel پر خودکار طور پر ڈیٹا سوئچ کرنا بند رکھیں۔ Galaxy پر وہ سوئچ بند کریں جو ڈیٹا کو خود بخود دوسری سم پر لے جاتا ہے۔ سفر کے دوران اپنے ملک والی سم کا ڈیٹا بھی بند رکھیں۔ آپ کا اپنا پلان جیسا ہے ویسا ہی رہے گا۔
غلطی سے میری eSIM ڈیلیٹ ہو گئی۔ کیا وہ واپس مل سکتی ہے؟
ہر eSIM الگ ہوتی ہے۔ ڈیلیٹ ہونے والی eSIM کی جگہ نئی eSIM تبھی مل سکتی ہے جب اس کا کوئی ڈیٹا استعمال نہ ہوا ہو۔ اگر ڈیٹا استعمال ہو چکا ہے تو نئی eSIM خریدنی ہو گی، اس لیے سفر کے دوران اپنی eSIM ڈیلیٹ نہ کریں۔ اگر ڈیٹا استعمال نہیں ہوا تو اپنی eSIM کا انتظام والے صفحے سے نئی eSIM مانگ لیں۔
پیغام آ رہا ہے کہ eSIM ایکٹیویٹ نہیں ہو سکی
کسی بہتر وائی فائی سے جڑ کر دوبارہ کوشش کریں۔ پھر بھی نہ ہو تو دوبارہ انسٹال کرنے سے پہلے ہم سے رابطہ کریں، کیونکہ شاید آپ کو نیا QR کوڈ چاہیے ہو گا۔
کیا مجھے رسید یا ٹیکس انوائس مل سکتی ہے؟
خریداری کے بعد Stripe آپ کو @stripe.com پر ختم ہونے والے پتے سے انگریزی میں رسید بھیجتا ہے، جس کا عنوان Your Roam More receipt ہوتا ہے۔ اگر رسید نہ ملے یا آپ کو اس کی دوسری کاپی چاہیے تو ہمیں ای میل کریں، ہم مدد کریں گے۔
